89 نكتة الجزء الاول

ruck · #1 05-27-2009, 03:32 PM

1) الربيعي گللهم: ها.... لزمتوه لعزت..؟؟؟ گالوله:لا سيدي ... فص ثلج وذاب.

2) مصري مطبب راسه بالبطل، گالوله شنو هاي شدتسوي گال: رأبتي سداده..

3) معيدي سمع اكو دب مختطف بنيه.. واللي يكتل الدب يطگ البنيه... طب وره شويه طلع گال: الدب وطگيناه.. وين البنيه الرايدين تكتلوهه؟

4) اعمى گام يشوف صار بيه شلل من الفرحه.

5) واحد متعاجز حيل... مرته دگت الباب گاللهه: انتي طالق.

6) ناصريه فتح مدرسه للخباثه.. لما كمل عدد الطلاب سدهه .

7) أثول بلع حباية فياغرا.... وگف شعر راسه.

8) كردي گالوله اشسميت ابنك؟ گال مامستعجل... گالولي راح تنزل حروف جديده.

9) مخانيث گالولهم شلونه الحج؟ گالوا يخبل .. أهم شي بلا لبسان.

10) طه محي الدين معروف(الوزير الكردي) سمع نكته من صدام گال: خره بعرض السيد بليسك.

11) واحد يعرف يحسب من الواحد للثنين بس ... راح يشتري ببسي گاله اطيني ثنين ببسي وواحد ببسي.

12) ذبانه تصيح وزززززززززززززززز وگعت انكسر سنهه كام تصيح وثثثثثثثثثثثثثثثثثثثثثثث.

13) دليم سمعوا عن المخطط الامريكي بالعراق قدموا على قطع اراضي بيه

14) واحد گل لابو المحل: اريد نظاره.. گلله: للقراءه لو للشمس؟؟؟ گكلله لا .. لمرتي.

15) عجوز شافت ذيب، خافت.... گللهه لاتخافين ماأحب النواشف.

16) ماهو السلسبيل؟ هو الطرطريق استاد.

17) كردي شاف دعاية مارلبورو ... تأثر بيهه راح اشتره حصان.

18) فيل طب للگهوه.. طلب نرگيله بدون قمچي.

19) دليمي راح للحج، مطرت... خابر اهله گللهم: غطوا الاسمنت .

20) نعجه صاحت مييييع سمعهه طلي گال: اروح فدوه لهل صوت .

21) زرافه تگول: امنيتي ألگي بلوز ابو الرگبه يرهمني .

22) وحده گالولهه بيتچ مليان تراب.. گالت صوچ رجلي ميسمع غير اغاني قديمة.

23) واحد ديشرب عرگ.. مالگه مي ، كاسره بماي زمزم ... وره شويه طلعله ابليس.. گلله: من طيزي راح ادخلك جهنم.

24) واحد ناصريه گل لحرامي علمني البوگ واعلمك النذاله... الحرامي باگ محفظه گدامه گلله شوف شلون ابوگ .. يلله علمني خباثه... الناصريه گام يصيح: حرامي.... حرامي...

25) طبيب خابر الشرطه گاللهم: شرد من المستشفى واحد مخبل حيل اصلع وشعره مكفش.. گالوله شلون تصير؟؟ أصلع وشعر؟؟ گال مو گلتلكم مخبل حيل.

26) واحد شاف اعمى لازم جريده گال اول مره اشوف اعمى يقره كلله الاعمى: ومنو گللك اعرف اقره؟؟؟.. اني جاي اتباوع عالصور بس.

27) وحدة إشترت بيبسي.. فتحته سوه: فس س س س س س گامت تبچي گللهه ابو المحل ليش تبچين؟؟ گالتله: تذكرت فسوة المرحوم.

28) وحده حلمانه واحد يركض وراهه .. گالت له: ليش تركض ورايه؟ گاللهه: آنه أدري؟؟ انتي اللي حلمانه.

29) كردي شاف وحده حلوه راكبه بالتاتا... نزل اخذ الرقم.

30) ناصريه بالسينما، ماكو غيره وواحد لاخ.. گام گعد وره ذاك وگلله: بلكي شويه تدني راسك اخي.

31) دليمي گل لابوه: يابه اريدهه تكون بيضة وطويله... گام جابله ثلاجه عشرين قدم.

32) واحد مستعجل طلبوا منه تحليل بول وغائط گاللهم: ماعندي وقت، هاكم هذا لباسي كلشي بيه.

33) ثنين بسطح الطابق العاشر واحد گال للاخ: لاتمشي يم الحافه خاف توگع گلله: عكبيششششششششششش ....................... طاااااااااااخ.

34) كردي سمع أكو حقل مزروعه بيه ألغام...راح ثاني يوم يسگيهن.

35) كردي اشتره حذاء ضيگه.. گالوله: ليش؟؟ گال لو تدرون شلون ارتاح من انزعهه؟؟

36) كردي ما يفتهم بالرياضيات.. گام طيّر الأوراق.. گالوله: ليش؟؟ گال: حته افهمهه وهيه طايره.

37) سوداني شاف اسد گام يبچي ... گلله مروتك لاتاكلني.. گلله الاسد: بالعكس، اصلا اني ما اكل مشويات.

38) أحول اشتره ديچ طلع الديچ همينه احول اجه يحطه بالقفص حطه بره.... الديچ على أساس لوتي راد ينهزم طب بالقفص.

39) عجوز اتزحلكت وطاحت.. گالت: شفتوا شلون دبل كيك؟

40) دليمي گل لقاسم أبو الگص: فد نفر گص...قاسم گلله: سفري لو بالصاله؟؟ كلله: سويه مشكل.

41) واحد ابوه حشاش سأله معلم الانكليزي : شيشتغل ابوك(بالإنگليزي)؟ گلله: شينشتف استاد.

42) كردي كمشو جماعة أنصار الاسلام عنده فلم خلاعي شلون؟؟ چان حاطه ويه افلام رياضيه وكاتب عليه السليمانيه 4 البرازيل 1.

43) طفل احول لگه بالشارع عشرين گام يصيح: هيه هيه اربعين اربعين.

44) واحد اشتره سياره رقمهه سليمانيه يوميه يلگه تايراتهه فاشه.. فد يوم ظل سهران يشوف منو ..طلع جيرانه الكردي يفش بالتايرات ويشتم الهوه ويصيح: أفيشششش هوه سليمانيه.

45) ثور گص گرونه گالوله ليش گال : صارت مزعطه.

46) ديچ بلع حبايتين فياغرا.. گال: اليوم ناوي على فسيفسايه.

47) واحد يشتغل بشركة البيبسي.. شافه مدير الشركه يشرب سفن أب گام طرده.

48) أمريكي انخطف بالناصريه.. وره فتره هدوه.. سألوا الصحفيين : ممكن تگوللنه إششفت بالأسر ؟؟ گال: ماگولن.... بكيفي.

49) ناصرية صوّر الدفن مال ابوه بالفيديو.. كل شويه يراويه لأمه.

50) أمه همينه عالعناد كلما تشوف الفلم تگوم تتحمر وترگص.

51) ناصريه گل لمصلاوي: إش تتمنه؟ گال: يموت أبويه وأورثه؟؟ وإنته؟؟ گال: يندعم أبويه ويموت حته همينه الورث وهمينه الفصل.

52) ناصرية أعمى، تبرعتله مرته بعينهه.. وره العملية گللهه: وفوگاهه عوره؟؟ گام طلگهه.

53) ديچ مراهق مضوج دجاج المنطقه.. گالتله وحده: ماعندك أهل يربوك؟؟ گاللهه: لا والله تفقيس مكاين.

54) مصلاوي مات ابوه حط لافته بالسوگ: يونس ينعى اباه ويصلح الساعات.

55) مخنث شاف جماعه ياخذون أبر مخدرات... گال: أگول؟؟ ماكو منهه تحاميل؟؟

56) چلب فقد الذاكره.. گام يكول: نَوْ نَوْ؟؟ لا.... بَوْبَوْ ؟؟ همينه لا.... يا الله نسيت شلون ينبحون.

57) كردي هارب.. اشتره جواز مال واحد اسمه حسنين وبدل الصوره..بالسيطره سألوه شسمك؟؟ گال: إثنين حسن.

58) ناصريه يوصي ولده: ما أوصيكم بالخباثه ويلادي ...الخباثه الخباثه.. ثم الخباثه. گالوله: ولايهمك... لمن مات ذبوا جثته بالزباله.

59) واحد ناصريه أبوه مانطاه عيديه ... كتب عالباب: يعيش الزرقاوي.

60) قصة أسلام أول هندوسي: مسلم زار هندوسي يباركله بالمولود الجديد.. سأله: ولد؟؟ گال:لا ... گال إذن بنيه... الهندوسي تعجب.... ورأسا أعلن إسلامه.

61) كردي سأل شيخ عشيرة دليمي، گلله: إشكد عمرك إمحفوظ؟؟ گلله الشيخ:42.. گلله الكردي شلون صدفة.. نفس قياس الگيوه مالتي.

62) أحول راد يكتل ذبانه.. كتل اللي بصفهه.

63) كردي گللتله مرته: آني أحبك.. گللهه خللي علاقتنه صداقة بس.

64) واحد گالوله: إبنك أجته طلقه تايهه.. گال: أصيل... أكيد راح يدلليهه.

65) كردي گالوله الحفله تنكريه.. دز أخوه ابداله.

66) حرامي اجه يبوگ بيت لگه بس عجوز گلهه اذا ماكو ذهب عندج هسه أغتصبچ.. گالتله ماكو.. هوه صار رايه يطلع، گالتله: وين رايح ياجداب؟؟؟

67) واحد لوتي سألوه: امك حيه؟؟ گال لا عگربه گالوله: لأ.. يعني هيه عايشه؟؟ گال: لا خديجه گالوله: قصدنا عدله؟؟ گال: لعد قابل عوجه.

68) عجوز اجه ابنهه نص الليل سكران..گالته: ماشاء الله !! متأخر؟؟ .. لا وچماله ريحة القمار مالتك واصله للسمه.

69) احول سكر گام يشوف زين.

70) احول سألوه منو تعجبك من نساء العرب؟؟ گال: حوله بنت الأزور.

71) مصرية تعاركت ويه وحده بدويه.. گالتلهه.: غوري، گتك نيله.. گلتلهه: انا غوري يادلة الگهوه؟؟

72) دليمي راد يقلد كاظم الساهر نزل كاسيت رائحة القدمين.

73) واحد گالوله: نحزرك حزوره وإذا عرفتهه ننطيك نص مليون.. گال: لعد والنص الثاني المن؟

74) صرصر تزوج أم أربعه وأربعين وره فتره طلگها.. گالوله ليش؟؟ گال كلما ارفع رجلهه تگلي مو هذي.

75) أحول راد يحج لمكة، ركب للبحرين.... وصلهه شافهه أربعة.

76) دليمي گلله الطبيب: يوميه تمشي 10 كيلومترات... خابره وره شهرين گلله دكتور آني هسه بعرعر... أرجع لو أطلع گبل؟؟

77) ناصريه صب لأبوه گهوه.. گلله ابوه: شخبار الخباثه؟؟ گلله: نص الدله ديتول.

78) دليميه گالتلهه جيراننه: اني مسويه ميك أب.. گالتلهه: وأني مسويه شيخ محشي.

79) واحد قرر يشرب بالبيت.. وره شويه سكر گال لمرته: متعرفين أرقام گحاب؟

80) طيار دليمي وگعت بيه الطيارة ... لمن لگوا الصندوك الاسود سمعوه يگول للمساعد: ماتفكلنه جامة الشباچ شوية من يمك ؟

81) كردي دخل لمحل تجهيزات رياضية گلله كاكه ماعدكم احذية مال هجوم؟؟

82) عجوز شافت جني گالت أعوذ بالله منك ومن شكلك.. گللهه: شلونج هسه انتي عاد؟؟

83) فد چلب گاطع الشارع عالرايح والراد... گالوله: ولك ليش متصير آدمي؟؟ گال: لعد شلون أصير كلب إبن كلب بعد؟؟

84) كردي يشتغل بالتنقيب عن الآثار... ديحفر طلعتله طابوگه جمهوري... ركض للمدير يصيح: إستاد.. لگيت الدوشيش مال حمورابي؟

85) وحده سمعت صوت بالليل گعدت رجلهه گللتله: گوم شوف يمكن حرامي.. گلهه ما تگومين انتي .. يجوز حراميه.

86) واحد يحب وحده من طرف واحد، سنه كامله يتابعهه وهيه متدري، وره فتره شافهه ويه واحد گللهه: شوفي اللي بيناتنا تره كلله انتهى.

87) صدام من ختل بالحفره يگللك حط فوگاهه عش حمام وحمامه وبيض وعنكبوت ومن هالشغلات.. المهم اجوي الامريكان يدورون شافوهه.. گللوله: أطلع لك أخ الگحبة قابل احنه زواج مثل قريش؟؟

88) كردي ديزين لحيته دگ التلفون .. كام شخط خده بالموس... گال ليهنا واصل.

89) دليم اثنين ديلعبون شطرنج... كلما يموت جندي ينصبوله فاتحه 3 أيام.

امير بس فقيرر · 06-19-2009, 01:58 PM

مشكوور قلبي كلهاا حلووه

أحمـد · 08-13-2009, 05:42 PM

بعض النكت فيها كلمات نابية وأسائة للمرحوم صدام حسين

الشبح الراقي · 08-20-2009, 01:46 PM

[[hr]#0033ff[/hr] ههههههههههههههههههههههه

مشكور على المشاركة الطيفة

تحياتي

الشبح الراقي · 08-20-2009, 01:48 PM

******** type="text/**********">doPoem(0)***********

haitham_elcajon · 09-10-2009, 12:48 PM

مشكوووووور والله يعطيك الف عافيه

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحـــث المتقـــدم
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مع فلم الاثارة والجريمه والغموض الجزء الاول للكبار 1 Basic.Instinct مترجم دي في دي ر	عاشق الاكشن	افلام جديدة - افلام رومانسية - افلام اكشن - افلام رعب - افلام 2010	3	03-08-2010 08:46 AM
الابراج والحب....الجزء الاول	سااااااااااالي	الابراج اليوم - حظك اليوم - تابع الابراج يوميه معنا	4	05-11-2009 03:28 PM
الجزء الاول من اغاني كوكب الشرق	aBn alMawSiL	اغاني - اغاني جديدة - اغاني MP3 - البومات كاملة 2010	0	04-28-2009 09:28 AM
سلسله حلقات تومي جيري - الجزء الاول - فقط علي ماي ايجي	عاشق الاكشن	افلام انمي جديدة - افلام انمي 2010 - افلام انميشن - افلام كارتون جديدة	3	03-08-2009 07:48 PM
احاديث نبويه رياض الصالحين الجزء الاول	وسام العراقي	المنتدى الاسلامي	3	08-11-2008 01:15 PM

الذين يشاهدون محتوى الموضوع الآن : 1 ( الأعضاء 0 والزوار 1)

89 نكتة الجزء الاول

منتدى للصرقعـة التحشيـش والاقلاع